Pageviews

Sunday, January 3, 2010

हाँसो

त्यसो त हाँस्न कहाँ पाइन्छ र -

आइन्दा दाँत नदेखाउनू !
चुप रहनू !!
क्षितिजजस्ता ओठहरु नखुलाउनू !!!
बहुराष्ट्रिय कम्पनीको ‘टुथपेस्ट’ सरकार
निकम्मा ‘बु्रस’
अध्यादेशले गीजा घोटेर
फिंज काडी-काडी हाँस्दछ- खित्का प्रोपोगाण्डा ।

आइन्दा आँखामा योवनको मुस्कान नबाल्नू !
ढुक्ढुकीको गति राम्ररी सम्हाल्नू !!
तर, हाँसेकै छन् जङ्गलमा फूलहरु
म्यूजियममा टाँगिएका बादशाहका खोपडीहरु
हाँसेकै छन् दन्तेकथाहरुमा
कथित देवी अनि शूम्भ निशूम्भहरु ।

नेता महानगरीको गाईजात्रामा हाँसिरहेछन्
जनता गाईजात्राको महानगरीमा हाँसिरहेछन्

सरकार
मुस्कुराइरहेका यूवकका हिमालजस्ता दाँत गनिरहेछ
र, गनिरहेछ गोलीका दानाहरु ।

नगरकै भारी महङ्गो नगरबधु
बडो भद्दा हाँसिरहेछ-
सम्भोग पछि स्खलित मन्त्रीज्यूको यौनाङ्ग हेरेर
सरकार देखेर
म पनि त हाँसिरहेछु ।

1 comment:

  1. swapnil ji namaskar,

    tapaiko kabita dherai patak padhe, mitho lagyoo, mitho matra haina majjale lai baastabik pidalai utarreko sahaj parale.

    any way tapaiko yoo kabita hamro blog ma rakne anumati paaune nai chhu bhandai bida.

    dhanyebad

    ReplyDelete