Pageviews

45,846

Wednesday, August 3, 2011

गीत

स्वप्निल स्मृति


पूर्णिमामा डाँडामाथि जस्तो फुल्छ चन्द्रमा
टाढा टाढा भइजानेलाई त्यस्तैत्यस्तै सम्झना

सालैपिच्छे भत्किरह्यो माया खोली किनारा
बतासमा पात जस्तै उडिगयो विचरा !
मझेरीमा झरीवर्षा जस्तोगरी सावनमा
नफर्किने मालचरीलाई त्यस्तैत्यस्तै सम्झना

एउटा वहार कुर्दा धेरै शिशिर बिते पाखामा
आँशु नै भो इन्द्रेणी फूल नओभाउने आँखामा
सुन्ने रातमा नाङ्गो आकाश जस्तो चिहानडाँडामा
सम्झी सम्झी बिर्सनेलाई त्यस्तैत्यस्तै सम्झना

No comments:

Post a Comment