गीत

एक्लै उठ्न नसक्ने म भीरको लहरा
समाउन खोज्दाखोज्दै ढल्यो सहारा
अब कहाँ जाऊँ…
हजार गाँठो परी कतिन्जेल बसूँ एकै ठाउँ !
यो रहरे पालुवाले ताक्दैछ घाम-जूनकॊ गाउँ

सपनाको दश तले आकाश छिचोलूँ कसरी
इच्छाको यो विशाल धर्तीलाई म फन्को लाऊँ कति
कि खोलासँगै ओरालैओरालो घिसारिऊँ
कि सारासंसार बिर्सेर एकचोटि विचारुँ !

लहरिन खोज्दैछु म हुँ एक प्रेमको लहरा
रसाइरै'छ मनमा पवित्र पि्रतीको मूल-जरा
कि आँशुजस्तै तप्केर सप् खेर जान दिऊँ
कि जे सुकै होस् तिम्रो त्यो मनमा लहरिऊँ