गीत

स्वप्निल स्मृति

सार् है भारी भयो जीवन उकालीमा, ओरालीमा
बिसाउने ठाउँ छ कि छैन तिम्रो काखको देउरालीमा !

दु:ख सबै बिसाइहालिन्छ
एउटा स्यानो सुख बोक्न साथ दिन्छौ कि
यात्री आखिर िहंडिजाने हो !
एकै रात बिताउन वास दिन्छौ कि
भारी मेरो नथामिने चौतारीमा, छहारीमा
बिसाउने ठाउँ छ कि छैन तिम्रो काखको देउरालीमा

अलिअलि खरिएको छु
माया झुसी एकै घुट्को पानी दिन्छौ कि
धेरैधेरै भरिएको छु
भारी थोरै गरुँ खाली मानी दिन्छौ कि
टेकन लाएँ तिम्रो मनको बार्दलीमा, अट्टालीमा
बिसाउने ठाउँ छ कि छैन तिम्रो काखको देउरालीमा